Anish Kapoor. Untrue Unreal

Obras escultóricas representativas que exploran os límites e potencialidades da nosa relación co mundo.

Esta monografía presenta 30 obras fundamentais do aclamado artista indio Anish Kapoor (nacido en 1954) desde a década de 1980 ata a actualidade, que abarcan practicamente a totalidade da súa longa e distinguida carreira.
Unha das características máis salientables das obras de Kapoor é a forma en que transcenden a súa materialidade. Pigmento, pedra, aceiro, cera e silicona son manipulados (tallados, pulidos, saturados e moldeados) ata disolver os límites entre o plástico e o inmaterial. A cor nas mans de Kapoor convértese nun fenómeno inmersivo que contén o seu propio volume espacial e ilusorio. Kapoor busca o estrañamento, a eliminación de referencias ordinarias, para socavar o xeito no que estamos afeitos a ver as cousas e situalas nunha perspectiva completamente diferente, creando obras que actúan como catalizadores da enerxía. Este volume revela a xénese da súa práctica artística e indaga na súa linguaxe, achegando novas claves para a súa interpretación.